Karaoké Dors, min p'tit Quinquin (L'canchon dormoire) Alexandre Desrousseaux

Dors min p'tit quinquin min p'tit pouchin min gros rojin

Te m'f'ras du chagrin si te n'dors point ch'qu'à d'main

Ainsi l'aut' jour eun' pauv' dintellière

In amiclotant sin p'tit garchon

Qui d'puis tros quarts d'heure n'faijot que d'braire

Tâchot d'l'indormir par eun' canchon

Ell' li dijot min narcisse d'main t'aras du pain d'épice

Du chuc à gogo si t'es sache et qu'te fais dodo

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main

Et si te m'laich faire eun' bonn' semaine

J'irai dégager tin biau sarau

Tin patalon d'drap tin giliet d'laine

Comme un p'tit milord te s'ras farau

J't'acaterai l'jour de l'ducasse un porichinell' cocasse

Un turlututu pour jouet l'air du capiau pointu

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main

Nous iron dins l'cour

Jeannette-à-Vaques

Vir les marionnett's comm' te riras

Quand t'intindras dire un coups pour Jacques

Pa'l'porichinel qui parl' magas

Te li mettras din s'menotte au lieu d'doupe un rond d'carotte

Y t'dira merci pins' comme nous arons du plaisir

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main

Et si par hasard sin maite s'fâche

Ch'est alors Narcisse que nous rirons

Sans n'avoir invi j'prindrai mon air mache

J'li dirai sin nom et ses surnoms

J'li dirai des fariboles y m'in répondra des drôles

Infin un chacun verra deux specta'c au lieu d'un

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main

Allors serr' tes yeux min p'tit bonhomme

J'vas dire eun' prière à p'tit Jésus

Pour qu'y vienne ichi pindant tin somme

T'faire rêver qu'jai les mains plein's d'écus

Pour qu'y t'apporte eun' coquille avec du chirop qui guille

Tout l'long d'tin minton te pourlèqu'ras tros heur's de long

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main

L'mos qui vient d'Saint Nicolas ch'est l'fête

Pour sûr au soir y viendra t'trouver

Y t'f'ra un sermon et t'laich'ra mette

Ind'sous du ballot un grand painnier

Y l'rimplira si t'es sache d'séquois qui t'rindront bénache

Sans cha sin baudet t'invoira un grand martinet

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main

Ni les marionnettes ni l'pain d'épice

N'ont produit d'effet mais l'martinet

A vit' rappagé l'petit Narcisse

Qui craignot d'vir arriver l'baudet

Il a dit s'canchon dormoire s'mèr' la mis dins s'nochennoire

A r'pris sin coussin et répété vingt fos ch'refrain

Dors min p'tit quinquin min p'tit pouchin min gros rojin

Te m'f'ras du chagrin si te n'dors point j'qu'à d'main