Karaoké Grand-mère Ousanousava

Oté gran mèr sant enkor po mwin ti flèr fané

Rakont a mwin ton mizèr dand tan ke toué la vé pwin manzé

Kar mi rapel enkor

Kan té ariv loror

Koq té out révey sat lé mien té lodèr kafé

Zorkidé té embomm la kour

Komm flèr mang dand verzé

Dand ton rév lavé lamour

Dand ton zié lavé lamitié

In bertel si ton zépol

Po nou mont labitasion

Kan la pli i tomb si la tol i fé mont mon sentimen

Dand silens la nuit

La briz la po karés mon viizaz

Mé tousa lé komm in léklips la po nwarsi mon péizag

Kan té ariv zour d'lan in ti likèr maribrizar

En kompani din paté kréol la nout tout té rakont zistwar

Na in fwa ou la pléré pars ke gran pèr té vé tap aou

Mi rapel enkor tou sa la mémé se swar la gran pèr lé té sou

Oté ti frèr di la viey di le vié arèt pléré

Tro tar ti frèr gran mèr la fyn ferm lo zié

Kan mi regard lorizon

Kan mon zié lé koulèr flamboyan

A mi di ke Noël i sa arivé

Zour d'lan tout suit dériér

E nou sa komens in lané

En labsens de not mémèr

O zordi mwin va krié

É pardon si mi plér

Kan ou té réflési lontan

Mwinté di dand ton tèt souv'nir la po romont kouran

Mi lès la port dériér ouver

Enka si in zour ou vé artourné

Mé wokilé not mémèr

Dia li sant enkor po mwin ti flèr fané

Tro tar ti frèr gran mèr la fini alé