Karaoké Tout in haut de ch'terril Renaud

Dins chés corons queu r'mue-ménache

Chés mineurs vienn't' d'avoir leu congés

Prenn't' leu valisses et partent voyager

A la campagne ou vir leur parinté

Mi comme el'z'autes j'prinds mes bagaches

Ej' m'in vas mais j'quitte pont min pat'lin

J'vos du pays v'là l'manière que j'm'y prinds

Sans débourser un sou d'train

Ej' passe mes vacances tout in haut de ch'terril

J'a toudis d'la chance ch'terrain i'est jamais pris

J'monte eum'toile ed'tente j'vis tout seul ej' m'arrinche

Ej'siffle, ej'ris, ej'cante

Ej'sus heureux d'faire du campinche

Je m'fais la popotte j'vis bien meux qu'à l'hôtel

J'mets comme les cocottes du rouche à mes ortels

Du haut dé m'couplette jé m'cros à Chambéry

Mais Jé n'suis qu'au faîte tout in haut de ch'terril

Comme point d'vue faut vir ch'que j'degotte

Les bos, les prairies des environs

Chés villaches chés villes, nos corons

Et je m'rinche l'œul cha n'me coûte pas un rond

Sus min fu d'bos j'fais tout m'gargotte

Viandox, peumes tierre frites morcieau d'lard

Et j'a monté trint'chinq lites ed'pinard

Pour mi chucher in père peinard

Ej' passe mes vacances tout in haut de ch'terril

J'a toudis d'la chance

D'vir ch'que j'vos ch'est à mi

Quand arrife eul'soir ej'vos v'nir d'z'amoureux

I z'attindent qu'i fèche noir

Mais mi je n'les quitte pos des yeux

I vont s'inlaçant s'disant des balivernes

Tout in s'imbrassant dins chés blés, dins ch'luzerne

I's font des papoules in s'app'lant "min chéri"

Et mi j'vos tout cha d'tout in haut de ch'terril

Mais avant hier j'n'a point eu d'chance

D'un seul cop vlà qu'i s'met à pluvoir

J'rinte à l'abri d'zous min perchoir

Em'tente all pichot ch'tot pire qu'un arrosoir

Alors j'a poussé la romance

J'a sorti pour m'éviter l'cafard

Et j'a fluté chinq six lites eud'pinard

In berloquant comme un pochard

J'a dégringolé tout in bas de ch'terril

Arrivé au pied jé m'sus rèl'vé tout meurtri

J'sais pus quo qu'j'a fait j'avos tell'mint eun'cuite

A l'pache de m'barette

J'avos sus m'tiête euch'codron à frites

A forche ed'bourler m'panche su les caillaux

Y a eun'certain'plache i m'in manquot un morcieau

J'y a mis un bout d'loque j'sus pos prêt d'ête gueri

Et j'sus armonté tout in haut de ch'terril

Alors' pindant trente ans l'mineur-campeur il n'quitte pas sin cher terril

Même pinsionné il y va comme au passé

Seul'mint aujoud'hui i'est malate el'fosse elle l'a usé

I'est dins sin lit

Et les larmes aux yeux in ravissant à travers ech'carreau i dit tout bas

Comme cha va vite comme eul'temps passe

Au terril j'a campé bin d'z'années

A ch't'heure i faut l'abandonner

Jé n'sus pus qu'un vieux mineur pinsionné

Et j'n'a pus qu'des oches dins m'carcasse

J'sus vieilli mes gampes sont ramolies

Et de l'ferniète in étant dins min lit

In l'ravissant j'dis ch'est fini

J'mon'tra plus jamais tout in haut de ch'terril

Fini désormais l'méd'cin j'l'ai ben compris

Par quarante ans d'fond mes poumons i'ont quite cosse

L'poussière eud'carbon in appelle cha la silicosse

Ch'est bétot min tour ed'partir comme tant d'vieux

D'faire un long séjour là auprès du Bon Dieu

J'espère qu'i m'laich'ra quand j's'rai au Paradis

Cor' v'nir in vacances tout in haut d'min terril

J'espère qu'i m'laich'ra quand j's'rai au Paradis

Cor' v'nir in vacances tout in haut d'min terril